Alarmet për bomba tronditin Maqedoninë e Veriut

Maqedonia e Veriut | 4 vite më parë

Alarme për bomba janë dërguar të premten në adresat elektronike të hotelit Aleksandar Palas, Aeroportit Ndërkombëtar të Shkupit dhe Qendrës Tregtare “East Gate”, njofton ALSAT.

Nga hoteli Aleksandar Pallas janë evakuuar të gjithë mysafirët dhe të punësuarit, është anuluar dhe konferenca vjetore e Odës ekonomike, në të cilën duhej të merrte pjesë kryeministri i vendit, Dimitar Kovaçevski.

Janë evakuuar edhe të punësuarit në Aeroportin e Shkupit dhe janë anuluar të gjitha fluturimet.

Për momentin është mbyllur dhe po kryhen kontrolle në East Gate.

Ditët e fundit kërcënimet me bomba kanë synuar institucionet, shkollat fillore dhe të mesme, qendrat tregtare dhe ndërtesat e banimit.

Vetëm gjatë ditës së enjte janë raportuar 49 bomba të vendosura, mes tyre edhe shkollat në Kavadar.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.