Atletikë/ Rezultoi pozitive ndaj EPO-s, pezullohet Jepchirchir

Sport | 41 minuta më parë

Atletika keniane ka marrë një tjetër goditje. Atletja e distancave, Peres Jepchirchir, kampione olimpike në maratonë në “Tokio 2020” dhe kampione bote, është pezulluar nga Njësia e Integritetit të Atletikës (AUI) pasi rezultoi pozitive në një kontroll surprizë dopingu para fitores së saj të fundit në Maratonën e Sidneit.

Atletja nga Kenia, fituese e katër garave “major” (New York, Boston, Londër dhe Sidnei), rezultoi pozitive ndaj EPO-s, duke shkaktuar pezullimin e saj të menjëhershëm.

Jepchirchir mund të apelojë këtë vendim duke kërkuar që të analizohen edhe epruveta B.

Gara e fundit për kenianen 33-vjeçare ishte në Sidnei, ku ajo fitoi me një kohë prej 2:18:31, pothuajse katër minuta përpara vendit të dytë, bashkatdhetares së saj Irene Chepet Cheptei (2:22:11). A.V.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.