Një 36-vjeçar është arrestuar nga blutë e kryeqytetit pasi akuzohet për disa vjedhje.

Sipas informacioneve paraprake, bëhet me dije se 36-vjeçari, i akuzuar më parë për të njëjtin krim, ka vjedhur më datë 6,7 dhe 8 mars 1 biçikletë, një varëse dhe një portofol.

Policia po vijon punën për zbardhjen e vjedhjeve të tjera që mund të ketë kryer 36-vjeçari.

NJOFTIMI I POLICISË

“Tiranë/Vijon puna hetimore dhe policore, për identifikimin dhe nxjerrjen përpara përgjegjësisë penale, të autorëve të vjedhjeve.

Arrestohet një shtetas që gjatë këtyre 3 ditëve, kreu 3 vjedhje. 

I arrestuari, i dënuar më parë, për të njëjtin krim.

Menjëherë pas denoncimeve të qytetarëve, për raste të vjedhjes së pronës/pasurisë së tyre në territoret në juridiksion të komisariateve të Policisë Nr. 3 dhe Nr. 1, shërbimet e këtyre njësive organizuan punën për zbardhjen e autorësisë së rasteve.

Si rezultat, u identifikua, u kap dhe u vu në pranga autori i dyshuar i 3 vjedhjeve, shtetasi M. K., 36 vjeç, banues në Tiranë.

Nga hetimet dyshohet se ky shtetas:

-më datë 06.03.2026, ka vjedhur 1 bicikletë elektrike, në Rrugën e Kavajës;

-më datë 07.03.2026, i ka vjedhur varësen, një shtetaseje, në bulevardin “Gjergj Fishta”;

-më datë 08.03.2026, i ka vjedhur portofolin, një shtetasi, në rrugën “Avni Rustemi”.

Vijon puna për zbardhjen e vjedhjeve të tjera që mund të ketë kryer 36-vjeçari.

Materialet procedurale iu referuan Prokurorisë së Tiranës, për veprime të mëtejshme”, thuhet në njoftim.

/rtsh.al/