Bregdeti i Adriatikut mirëpret “La Nave della Salute”, shërbime shëndetësore pranë qytetarëve gjatë sezonit turistik

Shëndet | 5 muaj më parë

Bregdeti i Adriatikut ka hapur dyert për një nismë të re shëndetësore, “La Nave della Salute”, e cila vjen si iniciativë e One Health Foundation për të sjellë më pranë qytetarëve shërbime të parandalimit dhe kujdesit shëndetësor.

Ministrja e Shëndetësisë dhe Mirëqenies Sociale, prof. Evis Sala, vuri në dukje rëndësinë e këtij bashkëpunimi, duke e cilësuar si një vlerë të shtuar për shëndetin publik.

Sipas saj, kjo nismë hap rrugën për mbështetje konkrete në rritjen e kapaciteteve mjekësore, veçanërisht gjatë sezonit turistik kur fluksi i vizitorëve në bregdet rritet ndjeshëm.

“La Nave della Salute” synon të ofrojë kontrolle mjekësore, këshillime për parandalimin e sëmundjeve dhe ndërgjegjësim mbi kujdesin shëndetësor, duke e bërë shërbimin më të aksesueshëm për komunitetet bregdetare.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.