“Fusha tregoi se nuk kishte shumë diferenca, jemi të kënaqur”. Kapiteni i Egnatias, Albano Aleksi ka komentuar për “Studio Europa” në RTSH barazimin 1-1 të arritur përballë Midtjylland në ndeshjen e parë të fazës së grupit në Conference League.

“Luajtëm me një ekip shumë të fortë, fusha tregoi se nuk kishte shumë diferenca. Luajtëm si të barabartë, edhe ne mund ta fitonim ndeshjen. E nisim mirë me një pikë ndaj një kundërshtari shumë të fortë. Ekipet në këtë fazë janë më të forta, ne e dimë forcën e grupit, këtë arritje e kemi merituar”.

“E tregoi dhe ndeshja e sotme që nuk jemi rastësisht në këtë fazë. Do mundohemi të luajmë si të barartë me të gjitha ekipet. Duhet të qëndrojmë me këmbë në tokë, është vetëm fillimi, ekipet nuk duhen nënvlerësuar sepse atje ku mendon se mund të fitosh, edhe mund ta humbasësh ndeshjen”.

Goli i pësuar? Ato gola ne nuk i kemi pësuar kurrë, duhet ta mbyllnim pjesën e parë 1-0, që të ishim më të qetë. Në pjesën e dytë, ndeshja shkoi mirë, jemi të kënaqur. U mërzita te goli, ishim në moment të mirë, mund të na rritej personaliteti dhe dëshira për ta fituar ndeshjen”.