Elbasani zyrtarizon trajnerin e ri Glen Daja, debuton të shtunën kundër Teutës

Abissnet Superiore | 39 minuta më parë

Glen Daja është zyrtarisht trajneri i ri i Elbasanit. Lajmi është konfirmuar nga klubi verdheblu me anë të një postimi në rrjetet sociale, ku i uron mirëseardhjen trajnerit kryeqytetas. Daja merr kështu vendin e Ivan Gvozdenoviç, i cili dha dorëheqjen pas humbjes me Skënderbeun.

Një zgjedhje kurajoze kjo për Elbasanin, që ia beson stolin një 33-vjeçari. Glen Daja ka fituar eksperiencë vitet e fundit nga puna me babanë e tij, Ilir Daja, por kjo është aventura e parë e tij si trajner i parë. Për më tepër, atij i duhet të rikthejë në shinat e pretendentëve një skuadër në krizë rezultatesh.

Trajneri i ri ka zhvilluar sot stërvitjen e parë me Elbasanin dhe do të debutojë të shtunën, në ndeshjen kundër Teutës në Durrës.

Elbasani

Glen Daja

zyrtarizimi

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.