Fusnin drogë në burgun e Elbasanit me qëllim përfitimin, në pranga tre persona, mes tyre edhe efektivi

Aktualitet | 9 muaj më parë

Një hetim disa mujor ka zbuluar një skemë të futjes së lëndëve narkotike në burgun e Elbasanit. Gjatë një operacionit dhe hetimi të zhvilluar nga Shërbimi i Kontrollit të Brendshëm në Sistemin e Burgjeve (SHKBB) çoi në arrestimin e tre personave, mes të cilëve edhe një efektiv i burgut.

Hetimi zbuloi se familjarja e një të paraburgosuri bashkëpunonte me punonjësit e burgut për të futur drogë brenda institucionit, me qëllim përfitimin financiar për të paraburgosurin.

Kjo çoi në arrestimin e Ndricim K., punonjës policie në IEVP Elbasan, Esmeralda K., familjare e një të paraburgosurin dhe Gerald S., i paraburgosur në IEVP Elbasan.

Materialet procedurale i janë referuar Prokurorisë për veprime të mëtejshme, ndërsa SHKBB nënvizon rëndësinë e monitorimit të vazhdueshëm për parandalimin e veprimtarive kriminale brenda burgjeve.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.