Goditen lojërat e fatit të paligjshme në Tiranë, Policia arreston administratorin e një lokali

Aktualitet | 7 muaj më parë

Policia e Tiranës ka finalizuar operacionin policor të koduar “Multi Games 2”, duke goditur një rast të veprimtarisë së paligjshme të lojërave të fatit.

Specialistët për Hetimin e Krimeve Kibernetike, në bashkëpunim me Forcën e Posaçme Operacionale të Drejtorisë Vendore të Policisë Tiranë, kanë kryer kontrolle në disa lokale dhe ambiente të dyshuara për organizimin e lotarive të palejuara.

Gjatë kontrolleve, u evidentua një rast në një lokal në rrugën “Haxhi Hysen Dalliu”, ku përmes kompjuterit dhe celularit zhvilloheshin lojëra fati.

Administratori i lokalit, një 25-vjeçar, u arrestua në flagrancë. Policia sekuestroi një njësi kompjuterike dhe një telefon celular, të cilat do të përdoren si prova materiale në procesin hetimor.

Materialet procedurale i kaluan Prokurorisë së Tiranës për veprime të mëtejshme ligjore.

/rtsh.al/

lojra fati

policia

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.