Sëmundjet e mëlçisë mbeten një shqetësim për shëndetin publik, ndërsa hepatiti B dhe C kërkojnë diagnostikim dhe ndjekje të kujdesshme. Gastro-hepatologia Erjola Gjika thekson rëndësinë e informimit dhe zbulimit në kohë.

“Hepatiti B dhe C janë virus që kanë një specifikë infektimit në mëlçi. Hepatit B dhe C mund të jetojnë me pacientin në gjendjen e fjetur për shumë kohë dhe pastaj rikujtohet dhe të japim dëmtime që shumicën e rasteve janë të fjetura, nuk e kupton deri në momentin që bëhet problematikë. Në qoftë se ne kemi një pacient që vjen me transeminaza të larta, fillojmë e kërkojmë shkakun pse arrit transeminazat dhe gjendet me analizë specifike që gjen në virusin e hepatit B dhe C në gjakun e pacientit”, tha ajo.

Ajo shpjegon metodat e diagnostikimit dhe trajtimet që ofron sot mjekësia për këto sëmundje.

“Ne kemi shumë metoda të sakta për me diagnostikuar një hepatit B dhe C. Kemi analiza të cilat janë të planifikuara dhe mund t’i bëjmë në kushtet e poliklinikës, janë të rimbursuar nga shteti. Në hepatitin C ne mund ta shërojmë 100%. Tek hepatiti B nuk mbërrimë gjithmonë me e shëruar. Synimi jonë është me e vë në gjendje inaktiviteti. Domethënë në qoftë se ky virus nuk është aktiv ai nuk dëmton mëlçinë”, tha ajo.

Kontrollet dhe diagnostikimi në kohë mbeten thelbësore për menaxhimin e hepatitit B dhe C dhe për ruajtjen e shëndetit të mëlçisë.

Gazetare: B. Cina            

/rtsh.al/