Humbi orientimin dhe u dëmtua në këmbë, gjendet pas tre orësh kërkimesh shtetasi amerikan në Vlorë

Aktualitet | 1 minutë më parë

Një shtetas amerikan është gjetur mbrëmjen e sotme në zonën e Bristanit të Vlorës, pasi kishte pësuar dëmtime në këmbë dhe kishte humbur orientimin. Pas rreth tre orësh kërkimesh, ai u lokalizua nga forcat e Njësisë Speciale Delta.

Sipas informacionit paraprak, operacioni i kërkim-shpëtimit nisi rreth orës 18:00, pas raportimit për shtetasin amerikan që kishte nevojë për ndihmë. Në operacion u angazhuan forcat e Njësisë Speciale Delta, të cilat zhvilluan kërkimet nga toka.

Pas disa orësh kërkimesh, në orën 20:45, u bë e mundur gjetja e tij.

Shtetasi amerikan po transportohet drejt Vlorës, ku do t’i nënshtrohet një kontrolli mjekësor për të vlerësuar gjendjen e tij shëndetësore.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.