I dehur në timon dhe me pushkë me vete, arrestohet 46-vjeçari në Mat

Aktualitet | 8 muaj më parë

Një 46-vjeçar është arrestuar në Mat, pasi u kap në timon i dehur, ndërsa në makinë kishte edhe një pushkë. Ai u ndalua në aksin rrugor “Burrel-Komsi”, ku gjatë kontrollit në automjet, policia gjeti edhe armën e zjarrit.

Në përfundim të veprimeve procedurale, 46-vjeçari me inicialet V.N., banues në fshatin Drita, Burrel, u arrestua për veprat penale “Mbajtja pa leje dhe prodhimi i armëve, armëve shpërthyese dhe i municionit” dhe “Drejtimi i automjetit në mënyrë të parregullt”.

Materialet procedurale i kaluan Prokurorisë së Dibrës, për veprime të mëtejshme.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.