Irani ka kërcënuar se do të mbyllë plotësisht ngushticën e Hormuzit, nëse SHBA do të synojë të sulmojë infrastrukturën energjetike të vendit.

Në një deklaratë të transmetuar nga mediat iraniane, Korpusi i Gardës Revolucionare Islamike (IRGC) tha se nëse SHBA ndjek kërcënimet për të shënjestruar infrastrukturën energjetike iraniane, ajo do të mbyllë ngushticën dhe nuk do ta rihapë atë “derisa termocentralet tona të shkatërruara të rindërtohen”.

Për më tepër, IRGC thotë se do të synojë termocentralet dge infrastrukturën energjetike në Izrael “gjerësisht”. Po ashtu, ata kërcënaun se do të synojë “çdo kompani të ngjashme në rajon” që ka aksionarë amerikanë.

“Termocentralet e vendeve të rajonit që presin bazat amerikane do të jenë objektivat tona legjitime. Ne nuk e filluam luftën dhe nuk do ta fillojmë tani, por nëse armiku dëmton termocentralet tona, ne do të bëjmë gjithçka për të mbrojtur vendin dhe interesat e popullit tonë”, thuhet në deklaratë.

Presidenti amerikan, Donald Trump kërcënoi se do të “zhdukë” termocentralet iraniane nëse ngushtica nuk hapet brenda 48 orëve. Rruga ujore është jetike për transportin global të naftës.

/rtsh.al/