Kërkoi lirimin nga qelia, Apeli i GJKKO shtyn seancën ndaj Ilir Metës

Aktualitet | 12 muaj më parë

Apeli i Gjykatës së Posaçme (GJKKO) ka shtyrë seancën për kërkesën e Presidentit të Partisë së Lirisë, Ilir Meta për lirimin nga qelia.

Shkak për shtyrjen e seancës u bë kërkesa e re nga mbrojtja për përjashtimin e gjyqtares Saida Dollani me argumentin se muajin e kaluar ka gjykuar çështjen për revokimin e masës e cila vendosi mospranimin.

“E njëjta gjyqtare nuk mund të gjykojë të njëjtin person mbi dy kërkesa të ndryshme”, deklaroi Kujtim Cakrani, avokati i Metës . Seanca e radhës u la në datën 14 nëntor në orën 09:00.

Ish-presidenti Ilir Meta ndodhet në burg që prej 21 tetorit 2024 dhe ka bërë gjithashtu ankim edhe në Gjykatën e Lartë, e cila do ta shqyrtojë kërkesën më 9 tetor të këtij viti. Dosja e tij përfshin tre hetime të bashkuara: aferën CEZ-DIA, lobimin në SHBA dhe hetimin pasuror, ku ai akuzohet për korrupsion pasiv, pastrim parash dhe mosdeklarim pasurie.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.