Një konflikt mes disa personave është regjistruar në Lezhë mesditën e kësaj të hëne (12 janar). Policia bën me dije se ngjarja u regjistrua në ambientet e një lokali ku shtetasit Gjergj Marku, 41 vjeç dhe Nikolin Marku, 41 vjeç, kushërinj, dyshohet se janë konfliktuar për motive të dobëta, me shtetasit G. N., rreth 53 vjeç dhe K. N., rreth 20 vjeç, babë e bir.

Për pasojë, dy kushërinjtë kanë mbetur të dëmtuar. Pas marrjes së ndihmës në spital, dy kushërinjtë kanë denoncuar në polici babë e bir, duke pretenduar se ata ishin edhe të armatosur.

Policia njofton se vijojnë kërkime intensive për kapjen e shtetasve G. N. dhe K. N., si dhe një grup i posaçëm hetimor po punon në drejtimin e Prokurorisë së Lezhës, për të zbardhur dhe dokumentuar të gjitha rrethanat e këtij rasti.

NJOFTIMI I POLICISË

Lezhë/Informacion paraprak

Rreth orës 12:30, në ambientet e një lokali në Lezhë, shtetasit Gj. M., 41 vjeç dhe N. M., 41 vjeç (kushërinj), dyshohet se janë konfliktuar për motive të dobëta, me shtetasit G. N., rreth 53 vjeç dhe K. N., rreth 20 vjeç (babë e bir).

Si pasojë janë dëmtuar shtetasit Gj. M. dhe N. M., të cilët pasi kanë marrë asistencën e nevojshme mjekësore, janë paraqitur në ambientet e Komisariatit, ku kanë pretenduar se shtetasit G. N. dhe K. N. kanë qenë të armatosur.

Vijojnë kërkime intensive për kapjen e shtetasve G. N. dhe K. N., si dhe një grup i posaçëm hetimor po punon në drejtimin e Prokurorisë së Lezhës, për të zbardhur dhe dokumentuar të gjitha rrethanat e këtij rasti.

/rtsh.al/