Ministria e Punëve të Jashtme ka dënuar sulmin iranian ndaj ambasadës së SHBA në Riad të Arabisë Saudite, duke theksuar se akte të tilla janë të papranueshme si edhe në shkelje të së drejtës ndërkomëtare e parimeve themelore.

Ministria thekson se sulme të tilla shtojnë rrezikun e destabilizimit të mëtejshëm, ndërsa shton se Shqipëria qëndron krah SHBA, duke shtuar rikonfirmuar mbështetjen e palëkundur për sigurinë e aleatëve.

“Shqipëria qëndron në solidaritet të plotë me Shtetet e Bashkuara të Amerikës dhe rikonfirmon mbështetjen e saj të palëkundur për sigurinë e aleatëve tanë dhe për mbrojtjen e personelit diplomatik. Siguria e partnerëve tanë dhe ruajtja e stabilitetit rajonal janë të panegociueshme.”, thuhet në reagimin e ministrisë në X.

Reagim i Ministrisë për Evropën dhe Punët e Jashtme:

Shqipëria dënon me forcë sulmin iranian që shënjestroi Ambasadën e Shteteve të Bashkuara të Amerikës në Riad. Akte të tilla janë të papranueshme dhe përbëjnë një shkelje të qartë të së drejtës ndërkombëtare dhe të parimeve themelore që mbrojnë misionet diplomatike dhe personelin e tyre në mbarë botën.

Sulme të tilla jo vetëm që rrezikojnë jetë njerëzish, por gjithashtu rrisin tensionet dhe shtojnë rrezikun e destabilizimit të mëtejshëm dhe të përshkallëzimit të pakontrolluar në një rajon tashmë të brishtë.

Shqipëria qëndron në solidaritet të plotë me Shtetet e Bashkuara të Amerikës dhe rikonfirmon mbështetjen e saj të palëkundur për sigurinë e aleatëve tanë dhe për mbrojtjen e personelit diplomatik. Siguria e partnerëve tanë dhe ruajtja e stabilitetit rajonal janë të panegociueshme.

Albania strongly condemns the Iranian attack targeting the United States Embassy in Riyadh. Such acts are unacceptable and constitute a clear violation of international law and the fundamental principles that protect diplomatic missions and personnel worldwide.

These attacks not…

— Albanian MEFA 🇦🇱 (@AlbanianDiplo) March 4, 2026

/rtsh.al/