Pesë persona janë vënë në pranga, të cilët akuzohen për vepra të ndryshme penale. Në kuadër të operacionit të koduar “Catch”, Policia e Tiranës zhvilluan kontrolle në terren, ku në pranga ra edhe një person që ishte shpallur në kërkim për “vrasje me dashje”.

Në pranga u vu F. B., 32 vjeç, i dyshuar për vrasje me dashje e mbetur në tentativë. Më 12 shkurt 2024, pas një konflikti për motive të dobëta, 32-vjeçari kishte goditur me mjet prerës shtetasin M. I.

Po ashtu, efektivët e Policisë Krujë ndaluan G. Ll., 40 vjeç, i dënuar me 5 vite burgim për kultivim të bimëve narkotike.

View this post on Instagram

A post shared by RadioTelevizioni Shqiptar (@rtshqiptar)

Në kuadër të operacionit, specialistët e Komisariatit Nr. 6, në bashkëpunim me Seksionin për Hetimin e Narkotikëve, ndaluan G. R., 20 vjeç, i cili gjendet nën masën e sigurisë “Arrest me burg” për prodhim dhe shitje të narkotikëve. Ndërkohë u ekzekutua edhe urdhri për ndalimin e E. H., 38 vjeç, i shpallur në kërkim për të njëjtën vepër penale.

Gjithashtu, specialistët e Komisariatit Nr. 4, ndaluan R. B., i dënuar me 1 muaj e 8 ditë burgim për dhunë në familje.

Të gjithë të ndaluarit iu referuan Prokurorisë së Tiranës për veprime të mëtejshme procedurale.

/rtsh.al/