Shqip
English
Français
Deutsch
Ελληνικά
Italiano
Srpski
TürkçePD i drejtohet Avokatit të Popullit, kërkon hetim për projektin ”SMART CITY”
Partia Demokratike, përmes sekretarit për të drejtat e njeriut, Franc Nuri, i është drejtuar Avokatit të Popullit me kërkesën për hetim të posaçëm për projektin Smart City. Më konkretisht, kërkesa e Nurit synon që, nga hetimi, të verifikohet nëse ky projekt ndikon te të drejtat dhe liritë themelore të njeriut.
Shqetësimi i demokratëve është te cenimi i jetës private, liria e shprehjes dhe e tubimit paqësor, prezumimi i pafajësisë e të tjera.
Avokati i Popullit, Endri Shabani, me nënvizimin se “në përgjigje të besimit tuaj tek legjitimiteti dhe tek pavarësia e Avokatit të Popullit për të hetuar këtë çështje”, ka sqaruar ankuesin demokrat se institucioni që drejton ka vendosur nisjen e hetimit administrativ.
Gazetare: Anisa Kadesha
/rtsh.al/
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Komentet 0
Ende nuk ka komente. Bëhuni i pari që komenton.
Të ngjashme
Të fundit
Më të lexuarat
