Policia mësyn me gaz lotsjellës në Bulevard. Protestuesit hedhin fishekzjarrë, vjen kundërpërgjigja me ujë

Aktualitet | 46 minuta më parë

Protesta e cila ka hyrë në ditën e shtatë të saj është shoqëruar me tensione dhe përplasje mes protestuesve dhe forcave të rendit.

Turma e grumbulluar fillimisht në bulevardin “Dëshmorët e Kombit”, përpara godinës së Kryeministrisë, më pas ka marshuar në drejtim të Ministrisë së Brendshme dhe sheshit “Skënderbej”.

Gjatë lëvizjes së protestuesve, situata është përshkallëzuar. Efektivët e Policisë së Shtetit kanë ndërhyrë duke përdorur gaz lotsjellës në përpjekje për të shpërndarë turmën e mbledhur.

Gjithashtu, bëhet e ditur se protestuesit kanë hedhur fishekzjarrë ndërsa policia është kundërpërgjigjur me ujë përmes autoboteve që ndodhen aty pranë.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.