Qendra Shëndetësore e Finiqit ka 8 fshatra  në varësi administrative. Por, gjatë muajve të verës u jep shërbimin parêsor shëndetësor emigrantëve që kthehen në vendlindje, si dhe vizitorëve të shumtë në monumentet e kulturës dhe të natyrës , në bujtinat e shumta apo restorantet e zonës.  Drejtori i kësaj Qendre Shëndetësore, mjeku Ermal Kopo, shprehet se virozat e stinës shfaqen zakonisht javën e dytë të korrikut.

“Muaji qershor po themi dhe muaji fillimi i muajit korrik nuk ka patur ndonjë sëmundshmëri në rritje kjo periudhë. Nuk ka filluar akoma pjesa e enterovirozave që janë specifike, problemet me diarre, të vjella specifike kryesisht virozat e stinës së verës.

Ambulancat janë të pajisura të gjitha me shërbimet bazë. Personeli, pjesa e medikamenteve që janë baza, kryesorja dhe më tepër ka të bëjë një çik me sqarimin e njerëzve më shumë edukimi për këtë periudhë”, tha Kopo.

Megjithatë, mjeku Kopo deklaron se nuk disponojnë ilaçet antidot , nga pickimi i gjarpërinjve dhe i merimangës së zezë. Në raste të tilla, mjekimi jepet në Spitalin ” Petro Nako” të qytetit të Sarandës, vetëm 15 minuta me makinë  larg fshatit të Finiqit.

“Qendra shëndetësore e Finiqit vetë si ambulanca janë të tëra të pajisura që me pjesën e medikamenteve antialergjik. Ka mungesa vetëm tek antidoti që është për pickimin nga gjarpëri dhe nga merimanga e zezë”, deklaroi mjeku.

Fluksi i kthimit të emigrantëve në vendlindje ,por edhe i vizitorëve, arrin kulmin në 10 ditëshin e dytë të gushtit.

/RTSH/