Me mbylljen e vitit 2025, Shqipëria ka thyer rekordin e një viti më parë, duke kapërcyer shifrën e 12 milionë vizitorëve me pasaportë të huaj.

Lajmin e bëri të ditur Ministri i Turizmit, Kulturës dhe Sportit, Blendi Gonxhja, përmes një postimi në rrjetin social Facebook, ku thekson se ky rezultat konfirmon konsolidimin e vendit si një destinacion turistik gjithëvjetor.

“Me mbylljen e vitit 2025, Shqipëria thyen rekordn e një viti më parë, duke kapërcyer shifrën e 12 milionë vizitorëve me pasaportë të huaj! Një rezultat që konfirmon konsolidimin e vendit si një destinacion turistik gjithëvjetor, me interes të qëndrueshëm përtej sezonit veror dhe me oferta të larmishme në turizëm kulturor, natyror, kulinar, sportiv dhe jo vetëm, duke forcuar pozicionin e saj në hartën ndërkombëtare të turizmit“, shkruan ministri.

Shifrat rekord janë një tregues i qartë se Shqipëria po kthehet gjithnjë e më shumë në një destinacion të preferuar për vizitorët e huaj, duke ofruar përvoja autentike dhe cilësi në shërbime.

/rtsh.al/