Takimi inaugurues i Bordit të Paqes në Washington DC/ Liderët realizojnë foton familjare, Rama shtrëngon duart me Trump

Botë | 8 muaj më parë

Presidenti Donald Trump mblodhi sot liderët e vendeve, që kanë pranuar për t’u bërë pjesë e Bordit të Paqes.

Mes 26 liderëve, është edhe kryeministri i Shqipërisë, Edi Rama, i cili do të firmosë pjesëmarrjen në këtë Bord.

Para nisjes së mbledhjes Presidenti i SHBA, Donald Trump ka marrë pjesë në foton familjare me liderët që janë të pranishëm në takimin inaugurues për Bordin e Paqes, teksa ka takuar edhe kryeministrin Rama.

Pjesë e takimit është dhe Kosova, e cila përfaqësohet nga Presidentja e Republikës Vjosa Osmani.

Takimi u zhvillua në kuadër të inaugurimit të Bordit të Paqes, një nismë e re ndërkombëtare ku liderët e shteteve angazhohen për bashkëpunim dhe dialog global.

Presidenti Trump shtrëngoi duart me disa nga pjesëmarrësit, mes tyre kryeministri Rama dhe presidentja Osmani, duke shënuar një moment simbolik të bashkëpunimit rajonal dhe ndërkombëtar.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.