Tentoi të kalonte kufirin me municion luftarak e armë të ftohta, arrestohet 39-vjeçari në Morinë

Aktualitet | 8 muaj më parë

Një 39-vjeçar nga Kosova është arrestuar këtë të martë (10 shkurt) në Morinë, pasi tentoi të kalonte kufirin me municion luftarak dhe armë të ftohta. Sipas policisë, 39-vjeçari me inicialet M. L. U kap gjatë kontrollit në vijën e dytë, në hyrje të vendit tonë.

Gjatë kontrollit në automjetin e tij u gjetën 2 karikatorë me fishekë, 2 thika, 1 sëpatë dhe 1 shkop metalik si ai i Policisë, të cilat u sekuestruan në cilësinë e provës materiale, bashkë me automjetin.

39-vjeçari akuzohet për veprat penale “Trafikimi i armëve dhe i municionit” dhe “Prodhimi, mbajtja, blerja apo shitja pa leje e armëve të ftohta”. Materialet procedurale iu referuan Prokurorisë, për veprime të mëtejshme.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.