UEFA Youth League, Partizani U19 kualifikohet në turin e dytë

Futboll Vendi | 40 minuta më parë

Pas fitores në ndeshjen e parë në Maltë, Partizani U19 mposht me rezultatin 4-0 Valletta U19 në “Shtëpinë e Futbollit” dhe siguron një kualifikim historik në turin e dytë të turneut.

Djemtë e drejtuar nga trajneri Fation Muhameti kanë dominuar edhe sfidën e kthimit. Lleshaj zhbllokoi ndeshjen në fundin e pjesës së parë, ndërsa maltezët shënuan edhe një autogol në shtesën e 45 minutave të para.

Rrenga dhe Hyseni shënuan në pjesën e dytë, duke vulosur fitoren 4-0 të “demave” në këtë takim. Partizani u kualifikua në turin e dytë të turneut, duke eliminuar Vallettan me rezultatin e përgjithshëm 6-0.

Në turin e dytë të kompeticionit prestigjioz evropian të kuqtë e drejtuar nga trajneri Fation Muhameti do të përballen me kampionët e Çekisë Hradec Kralove

Partizani U19

UEFA Youth League

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.