Një gjykatës federal në Shtetet e Bashkuara i ka caktuar një afat të prerë Presidentit Donald Trump për t’u paraqitur në marrjen në pyetje në lidhje me padinë e tij prej 10 miliardë dollarësh për shpifje kundër rrjetit publik britanik, BBC.

Urdhri i nxjerrë nga gjykatësi i magjistratit amerikan, Enjoliqué Lett, erdhi pasi përfaqësuesit ligjorë të BBC-së ngritën shqetësime se pala paditëse po zgjaste procedurat pa shkak. Avokati i transmetuesit britanik, Charles Tobin, vuri në dukje vonesat në marrjen e dëshmisë duke u shprehur se “ne ende nuk kemi qenë në gjendje të deklarojmë paditësin”, megjithëse afati i mbledhjes së provave po afron.

Mbrojtja e BBC-së argumentoi se Trump kishte anuluar një seancë të rënë daktord më parë për datën 16 tetor, duke pretenduar se kishte një “çështje me rëndësi kombëtare”. Megjithatë, Tobin sqaroi se gjatë asaj dite ish-presidenti ishte i pranishëm në aktivitete elektorale në shtetin e Xhorxhias, duke nëvizuar se “ai po merrte pjesë në politikën e partisë dhe i dha përparësi kësaj mbi të ulurit për dhënien e dëshmisë”.

Përballë këtyre vonesave, trupa gjykuese ka vendosur ultimatim ligjor për ecurinë e çështjes. Gjykatësi Lett vendosi se dëshmia duhet të jepet me patjetër deri më 11 dhjetor. Nëse ky detyrim nuk zbatohet, Trump do të përballet me sanksione që mund të çojnë deri në rrëzimin e plotë të padisë, përveç rastit kur kryetari i trupit gjykues vendos zgjatjen e fazës së zbulimit të provave (“Discovery”) përtej afatit të planifikuar të 18 dhjetorit.

Padia e ngritur dhjetorin e kaluar nga Donald Trump lidhet me transmetimin e dokumentarit “Trump: Një shans i dytë”. Ish-presidenti akuzon median britanike për shpifje si dhe praktika tregtare mashtruese në lidhje me fjalimin e tij të 6 janarit 2021 përpara trazirave në Kapitolin e SHBA-së. Megjithëse BBC pranoi se regjisorët kishin ndërthurur pjesë të ndryshme të fjalimit, ngjarje që çoi në kërkim falje publike dhe dorëheqjen e drejtuesve më të lartë të transmetuesit, media angleze vazhdon të mohojë pretendimet se përmbajtja e dokumentarit përbën shpifje ligjore.

/rtsh.al/