Autoriteti Italian për mbrojtjen e të dhënave të mërkurën urdhëroi Facebook të sigurojë më shumë qartësi se si i mbron fëmijët në platformën e tij dhe atë të Instagram.

Urdhri, të cilin Facebook ka 15 ditë për të përmbushur, vjen pasi një vajzë 10-vjeçare vdiq nga asfiksia pasi mori pjesë në një sfidë të mediave sociale në platformën e ndarjes së videos TikTok. Përdoruesit duhet të jenë 13 vjeç ose më të mëdhenj për të krijuar një llogari, sipas politikave të TikTok. Të Premten, rregullatori italian bllokoi TikTok pas ngjarjes tragjike. 

Rregullatori vendosi të zgjerojë hetimin në Facebook pasi doli se e njëjta vajzë kishte llogari në rrjetin e mediave sociale Facebook dhe Instagram, pavarësisht të njëjtit kufizim moshe në ato platforma.

“Autoriteti i kërkoi Facebook-ut, i cili gjithashtu kontrollon Instagramin, të sigurojë informacione se sa dhe cilat profile kishte e mitura dhe, nëse kjo konfirmohet, se si ishte e mundur, për një të mitur 10-vjeçare, të abonohej në dy platforma, “thuhej tek deklarata.