Ish-peshëngritësi Pirro Dhima kandidat i partisë së Mitsotakis për eurodeputet

Greqi | 2 vite më parë

Nën siglën e partisë “Demokracia e Re”, e kryeministrit Kyriakos Mitsotakis, përveç Fredi Beleri dhe Ish-peshëngritësi nga Himara Pirro Dhima, zyrtarisht është kandidat për eurodeputet në Parlamentin e BE.

CNN grek e ka konfirmuar se kryeministri grek, ka mbyllur listën me emrat e 42 kandidatëve, pjesë e të cilëve janw dhe dy himariotwt.

Pirro Dhima gjatë prezantimit të tij i ka premtuar kryeministrit grek se do të luftojë për të drejtat e atyre që ai i quan “vorioepiriotë”.

Më pas iu drejtua edhe Petro Belerit, djalit të Fredi Belerit duke i thënë se do të ketë drejtësi për djalin e tij i cili u dënua me 2 vite burg nga GJKKO për blerjen e 8 votave në prag të zgjedhjeve lokale në Himarë.

“Unë jam një grek i lindur në Shqipëri”,- ka deklaruar Dhima më herët teksa u pyet për origjinën e tij nga gazetarja greke Elena Akrita.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.