19-vjeçari gjeorgjian plagos me thikë nxënësin dhe drejtorin e një gjimnazi në Athinë

Greqi | 3 vite më parë

Një ngjarje e rëndë ka ndodhur mëngjesin e sotëm në një shkollë në Athinë, ku një 19-vjeçar gjeorgjian hyri në ambientet e gjimnazit me një çekiç dhe një thikë në duar. I riu gjeorgjian plagosi një nxënës nigerian si dhe drejtorin e shkollës.

Sipas mediave greke, arsyeja e sulmit ka të bëjë me mosmarrëveshjen që vëllai i autorit ka pasur me nxënësin nga Nigeria. Dy fëmijët ishin grindur dhe sot vëllai i madh vendosi të hakmerrej.

Ai ka hyrë në shkollë dhe ka rrahur me çekiç nxënësin nigerian, para se të plagosë me thikë drejtorin e shkollës. Në vendngjarje kanë shkuar menjëherë autoritetet dhe autori është arrestuar.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.