Hapet tuneli më i gjatë nënujor në Kinë

Teknologji | 5 vite më parë

Pasi zgjati gati katër vite për t’u ndërtuar, është hapur, më në fund, tuneli më i gjatë nënujor në Kinë. Me një gjatësi prej 10.79 kilometrash, tuneli Taihu shtrihet nën liqenin Taihu në provincën Jiangsu të Kinës Lindore, rreth 50 kilometra në lindje të Shangait.

Sipas zyrtarëve qeveritarë, tuneli u ndërtua me një kosto prej 9.9 miliardë juanë (rreth 1.56 miliardë dollarë). “Ndërtimi filloi më 9 janar 2018. Mbi 2 milionë metra kub beton janë përdorur për ndërtimin e tunelit me dy drejtime, i cili ka gjashtë korsi dhe është 17.45 metra i gjerë”, raportoi agjencia zyrtare e lajmeve kineze, Xinhua.

Tavani i tunelit është pajisur me drita LED shumëngjyrëshe, të projektuara për të parandaluar lodhjen e shoferit. Tuneli, i cili lidh shumë rrugë, u ndërtua për të lehtësuar trafikun në qytetet pranë liqenit Taihu.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.