Nga pranvera, iPhone s’do të përcjellë sjelljet e përdoruesve

Teknologji | 6 vite më parë

Apple po planifikon të lansojë një sistem të ri të kontrollit të privatësisë në pranverë për t’ia parandaluar aplikacioneve të telefonit që në mënyrë të fshehtë të përcjellin sjelljet e përdoruesve.

Lëvizja vjen në kohën kur rrjeteve sociale dhe shërbimeve digjitale po u bëhet presion të heqin dorë nga mbikëqyrja e të dhënave të përdoruesve, të cilat po i shfrytëzojnë për t’i ndihmuar vetes në shitjen e reklamave.

Edhe pse Apple s’ka ofruar datë specifike për këtë lëvizje, njoftimi i së enjtes bën të ditur se “mburoja” do të jetë e pranishme te përditësimi i ri i sistemit operativ të iPhonet që pritet të vijë në mars ose prill.

Kompania kishte planifikuar ta lansonte veçorinë në shtator, por e shtyu masën duke u dhënë më shumë kohë krijuesve të aplikacioneve që të përshtaten me veçorinë e cila do t’ua bënte me dije përdoruesve se janë duke u përcjellë nga pajisja.

Analistët presin që një numër i konsiderueshëm i përdoruesve të mos lejojë këtë qasje.

Facebooku muajin e shkuar shprehu kritika ndaj Applet për pamundësimin që po ia bën që të përfitojë për reklama nga përcjellja e sjelljeve të përdoruesve.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.