Punonjësit e Gjelbërimit në Vlorë protestë para Bashkisë: Nuk pranojmë bashkimin me sektorin e pastrimit

Aktualitet | 9 muaj më parë

Punonjësit e Gjelbërimit në Vlorë janë ngritur në protestë këtë të hënë (12 janar) përpara bashkisë pasi kundërshtojnë bashkimin e ndërmarrjes së pastrimit me atë të gjelbërimit.

Ata shprehen se nuk janë kundër kontratës në vetvete, por duhet t’iu përcaktohet puna konkrete që duhet të kryejnë.

Punonjësit e gjelbërimit me kontratën e re, do të jenë gjithashtu pjesë e strukturës së pastrimit.

“Si mund të prishet kontrata pa na thënë? Tani na thonë kështu është bërë. Ne të mos na ngacmojnë. Të jenë mënjanë sektori i pastrimit dhe më vete ai i gjelbërimit.

Tani na thonë duhet të vini të firmosni kontratën, ndryshe nuk kemi ditë pune. Të na japin një kopje të kontratës”, deklaruan punonjësit.

bashkia vlore

gjelberimi

pastrimi

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.