Ushtronte aktivitetin pa licencë, arrestohet administratorja e këmbimit valutor

Aktualitet | 8 muaj më parë

Seksioni për Hetimin e Pastrimit të Parave dhe Aseteve Kriminale finalizoi operacionin policor të koduar “Bilanci”, duke goditur veprimtaritë e paligjshme në fushën e krimeve ekonomike dhe financiare.

Gjatë kontrollit të ushtruar në subjektin në administrim të shtetases G. T., 49 vjeçe, banuese në Tiranë, u konstatua se ajo ushtronte aktivitetin e këmbimit valutor pa licencën përkatëse dhe nuk deklaronte të ardhurat e përfituara nga ky aktivitet.

Si rezultat, u bë arrestimi në flagrancë i saj. Në kuadër të hetimeve, u sekuestruan rreth 40 000 euro në valuta të ndryshme dhe një njësi kompjuterike, nga e cila rezultoi se subjekti kishte qarkulluar rreth 2 000 000 euro.

Materialet procedurale iu referuan Prokurorisë për veprime të mëtejshme.

/rtsh.al/

arrestim

kembimi

valuta

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.