Aksident në Dhërmi-Makinat përplasen kokë më kokë, plagosen 4 persona

Aktualitet | 4 muaj më parë

Katër persona kanë mbetur të plagosur si pasojë e një aksidenti rrugor që ndodhi të shtunën në fshatin Dhërmi.

Sipas informacioneve të para, dy automjete janë përplasur mes tyre përgjatë aksit rrugor në zonën e Dhërmiut.

Menjëherë pas aksidentit, ekipet e ambulancës kanë mbërritur në vendngjarje dhe kanë transportuar të plagosurit drejt Spitalit Rajonal të Vlorës, ku po marrin trajtimin e nevojshëm mjekësor.

Burime nga stafi mjekësor i spitalit bëjnë të ditur se të katër të lënduarit ndodhen jashtë rrezikut për jetën dhe gjendja e tyre po stabilizohet.

Shërbimet e Policisë Rrugore kanë mbërritur në vendin e ngjarjes dhe kanë nisur hetimet paraprake. Ekspertët po kryejnë matjet e nevojshme dhe veprimet procedurale për të përcaktuar shkaqet e sakta të aksidentit si dhe përgjegjësinë e palëve të përfshira.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.