Zgjedhjet në Kosovë, KQZ certifikon rezultatet përfundimtare të 7 qershorit

Kosovë | 3 muaj më parë

Komisioni Qendror i Zgjedhjeve certifikoi rezultatet e zgjedhjeve të parakohshme për Kuvendin e Kosovës të mbajtura më 7 qershor.

Kryetari i KQZ, Kreshnik Radoniqi, njoftoi për ndarjen e ulëseve në Kuvend sipas rezultateve përfundimtare.

“Lëvizja Vetëvendosje (LVV) – 53 ulëse, Partia Demokratike e Kosovës (PDK) – 22 ulëse, Lidhja Demokratike e Kosovës (LDK) – 18 ulëse, Lista Serbe – 9 ulëse, Aleanca për Ardhmërinë e Kosovës (AAK) – 7 ulëse”, tha ai.

Ai bëri të ditur se nuk ka pasur më asnjë obligim për KQZ-në nga vendimet e Gjykatës Supreme, pasi të gjitha ankesat e paraqitura janë refuzuar.

Certifikimi i rezultateve të zgjedhjeve i hap rrugë formimit të institucioneve të reja. Pas certifikimit, Kuvendi duhet të mblidhet brenda 30 ditësh për mbajtjen e seancës konstituive.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.