Aksident në aksin Tepelenë-Memaliaj, plagosen 3 persona

Aktualitet | 3 muaj më parë

Një aksident rrugor ka ndodhur pasditen e sotme në dalje të qytetit të Tepelenës, në aksin Tepelenë-Memaliaj, ku dy automjete u përplasur me njëra-tjetrën.

Sipas të dhënave të para, rreth orës 16:30, një automjet i markës Volkswagen dhe një tjetër i tipit Citroen u përplasën, duke shkaktuar lëndimin e tre personave.

Të plagosurit janë drejtuesit e të dy automjeteve si dhe një pasagjer që po udhëtonte në njërin prej tyre.

Forcat e Policisë së Tepelenës dhe shërbimet e emergjencës së spitalit rajonal shkuan menjëherë në vendngjarje.

Të lënduarit u dërguan në spital për trajtim mjekësor, ku po marrin ndihmën e nevojshme.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.