Vatër zjarri në Visokë të Mallakastrës, flakët përhapen pranë rrugës kryesore

Aktualitet | 2 muaj më parë

Një vatër zjarri ka shpërthyer mesditën e sotme në zonën e Visokës, në rrethin e Mallakastrës. Flakët janë përhapur në një sipërfaqe të gjerë të mbuluar me shkurre, duke u afruar shumë pranë rrugës kryesore që kalon në atë territor.

Sipas informacioneve paraprake, zjarri ka përfshirë një zonë me vegetacion të thatë dhe shkurre, duke krijuar rrezik për përhapje të mëtejshme për shkak të kushteve të terrenit.

Forcat e zjarrfikësve kanë mbërritur menjëherë në vendngjarje dhe po punojnë intensivisht për të neutralizuar flakët.

Ndërhyrja po kryhet në kushte të vështira, pasi zona karakterizohet nga terren i thyer kodrinor, që komplikon lëvizjen e mjeteve dhe qasjen e ekipeve.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.