Vijon beteja me flakët në fshatrat e Fierit, rinis operacioni nga ajri për shuarjen e zjarrit

Aktualitet | 2 muaj më parë

Zjarri që ka shpërthyer në kufirin mes fshatrave Lofkënd dhe Drenije vazhdon të përhapet me shpejtësi, i ndihmuar nga era e fortë.

Sipas informacioneve nga terreni, vatra e flakëve po avancon në drejtim të Vloshit, duke rritur rrezikun për sipërfaqe të tjera me bimësi dhe pyje.

Pas një ndërprerjeje të përkohshme, helikopterët kanë rifilluar operacionet ajrore në mbështetje të forcave zjarrfikëse dhe strukturave të emergjencës, të cilat vazhdojnë punën për izolimin e flakëve.

Operacioni mbetet në zhvillim. Autoritetet po monitorojnë nga afër situatën dhe po bëjnë përpjekje për ta vënë zjarrin nën kontroll.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.