Kuvendi i Kosovës mban nesër seancën për ndryshimet në Ligjin për Dhomat e Specializuara

Kosovë | 1 orë më parë

Kuvendi i Republikës së Kosovës do të mbajë nesër, të hënën, në orën 09:00, seancë plenare në të cilën pritet të shqyrtohet Projektligji për plotësimin dhe ndryshimin e Ligjit për Dhomat e Specializuara të Kosovës.

Seanca është caktuar nga kryetarja e Kuvendit, Albulena Haxhiu, pas kërkesës së Grupit Parlamentar të Lëvizjes Vetëvendosje.

Para fillimit të seancës plenare, Komisioni për Legjislacion do të mblidhet në orën 08:00 për të shqyrtuar projektligjin. Këtë e ka konfirmuar kryetari i komisionit, Vigan Qorrolli.

Projektligji për ndryshimin e Ligjit për Dhomat e Specializuara pritet të jetë një nga pikat kryesore të rendit të ditës së seancës së nesërme.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.