Bashkimi Evropian ka arritur marrëveshje për një paketë të re sanksionesh që synon industrinë ushtarake dhe të mbrojtjes së Rusisë. Lajmi është bërë i ditur nga Komisioneri i Presidentit të Ukrainës për Politikën e Sanksioneve, Vladyslav Vlasiuk.

Sipas Vlasiuk, BE-ja do t’i shtojë listës së sanksioneve rreth 1,700 zëra të rinj, ku rreth 60% e kësaj pakete përbëhet nga propozimet e vetë Ukrainës.Në mënyrë të veçantë, BE-ja ka përfshirë në paketë Byronë e Projektimit të Makinerive të Posaçme me qëndrim në qytetin e Kurganit.

Kjo kompani është ndër kryesoret në Rusi e specializuar në projektimin, zhvillimin dhe modernizimin e mjeteve të blinduara të lehta dhe të mesme, ndërsa ndodhej nën sanksionet e Ukrainës që nga shtatori.   Vlasiuk bëri me dije se BE-ja po vendos sanksione ndaj individëve dhe kompanive të përfshira drejtpërdrejt në industrinë ruse të mbrojtjes.

“Bërthama e kësaj pakete është programi i raketave dhe baza e komponentëve elektronikë: elektronika, kondensatorët, rezistorët dhe gjysmëpërçuesit,” deklaroi komisioneri presidencial.

Ai shtoi gjithashtu se kufizimet do të zbatohen për prodhuesit dhe furnizuesit e materialeve, përfshirë ato që përdoren për makineritë e punës, dronët Lancet dhe armët balistike.

“Përfshihen lufta elektronike, ndërtimi i anijeve dhe lëndët plasëse. Gjithashtu janë përfshirë fabrika riparimi, kompani kimike, fabrika konfeksionesh dhe tregtarë,” vuri në dukje Vlasiuk.

Ambasadorët e Bashkimit Evropian miratuan paketën e 22-të të sanksioneve kundër Rusisë më 7 tetor. Paketa pritet të miratohet formalisht deri në mesin e muajit tetor.BE-ja kishte miratuar paketën e saj të 21-të të sanksioneve ndaj Rusisë në korrik 2026.

/rtsh.al/