Vendimi për të hyrë ushtarakisht në Ukrainë, solli edhe reagime të shumta të kompanive të mëdha ndaj Rusisë, ku ndër to ishte edhe kompania “Meta”, e cila zotëron “Facebook” dhe “Instagram”.

“Facebook” dhe “Instagram” për postimi që kanë lidhje me Rusinë, qoftë nga mediat apo qoftë edhe zyrtarë rusë, theksohet se përmes një shënimi se informacioni i tyre mund të mos jetë i vërtetë.

Ky vendim ka bërë që ambasada e Rusisë në SHBA, të kërkojë që kompania “Meta” t’i japë fund kësaj politike, duke theksuar se nuk mund të jetë ajo që duhet të përcaktojë se cili informacion është i vërtetë dhe cili jo.

 “I kërkojmë autoriteteve të ndalojnë aktivitetet ekstremiste të Metës dhe të marrin masa për të nxjerrë përgjegjësit para drejtësisë. Përdoruesit e Facebook dhe Instagram nuk u kanë dhënë të drejtë pronarëve të këtyre platformave për të përcaktuar kriteret e së vërtetës dhe për të vënë kombet kundër njëri-tjetrit”. thuhet në një postim në Twitter që shfaqet në profilin e ambasadës ruse në Uashington.

/rtsh.al/