Aksident në Fier, plagoset drejtuesi i mjetit. Humbi kontrollin dhe përplasi dy makina të parkuara

Aktualitet | 3 muaj më parë

Një aksident ka ndodhur pasditen e sotme në Unazën e qytetit të Fierit.

Sipas informacioneve të para, një automjet i markës BMË ka humbur kontrollin e drejtimit, duke dalë nga rruga dhe duke u përplasur me dy automjete të parkuara në anë të rrugës. Forca e goditjes ka qenë e konsiderueshme.

Si pasojë e aksidentit, drejtuesi i BMË-së ka mbetur i plagosur dhe është transportuar menjëherë me ambulancë në Spitalin Rajonal të Fierit, ku po merr ndihmën e nevojshme mjekësore.

Në vendngjarje ka shkuar menjëherë Policia e Fierit, e cila po kryen verifikimet e nevojshme për të përcaktuar shkaqet e sakta të aksidentit.

Ndërkaq, hetimet po vazhdojnë edhe për të sqaruar rrethanat dhe shkaqet e tjera të këtij aksidenti.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.