Ministri për Evropën dhe Punët e Jashtme, Ferit Hoxha, ka reaguar ndaj deklaratave të një ministri serb gjatë fushatës elektorale, i cili u premtoi mbështetësve se “do ta ngrinte sërish flamurin e tyre” në Kosovë.

Në një reagim publik, Hoxha i cilësoi deklaratat e tilla si nxitëse, duke paralajmëruar se retorika provokuese mund të inkurajojë veprime që rrezikojnë paqen dhe sigurinë në rajon. Ai solli në vëmendje sulmin në Banjskë, duke theksuar se përgjegjësia e plotë për atë ngjarje ende nuk është vendosur.

Sipas ministrit shqiptar, e vetmja rrugë përpara për Ballkanin Perëndimor është përmes marrëdhënieve të fqinjësisë së mirë, bashkëpunimit rajonal dhe përpjekjeve të sinqerta për të shëruar plagët e së kaluarës dhe për të ecur drejt pajtimit.

Megjithatë, Hoxha theksoi se nuk mund të ketë bashkëpunim të qëndrueshëm për sa kohë mohohen realitetet, vihet në pikëpyetje legjitimiteti i vendeve fqinje apo përdoret retorika kërcënuese për përfitime politike.

Duke iu referuar përvojës evropiane, ministri nënvizoi se ndërtimi i paqes dhe besimit kërkon kohë, vizion, guxim dhe përkushtim të vazhdueshëm. Ai paralajmëroi se Ballkani Perëndimor nuk duhet të harrojë pasojat e përçarjes, nacionalizmit dhe gjuhës nxitëse, e aq më pak të përsërisë gabimet e së kaluarës.

“Republika e Kosovës është një realitet i pakthyeshëm. Ajo është një shtet sovran dhe demokratik, pjesë e barabartë e rajonit tonë dhe një vend që po konsolidon vazhdimisht pozicionin e tij në komunitetin evropian dhe ndërkombëtar”, u shpreh Hoxha.

Ai theksoi se Kosova është atdhe i të gjithë qytetarëve të saj, pavarësisht përkatësisë etnike, dhe se e ardhmja e saj duhet të jetë e orientuar drejt paqes, sigurisë, gjithëpërfshirjes dhe integrimit evropian.

“Shqipëria ka qëndruar pranë Kosovës dhe do të vijojë ta mbështesë atë në çdo mënyrë të mundshme”, deklaroi ministri, duke shtuar se kjo mbështetje nuk buron vetëm nga lidhjet e ngushta mes dy vendeve, por përbën edhe një investim strategjik në të ardhmen e tyre të përbashkët evropiane, si dhe në paqen, sigurinë dhe mirëqenien e gjithë rajonit.

POSTIMI I PLOTË I MINISTRIT HOXHA
Një ministër serb, gjatë fushatës elektorale, i premtoi audiencës së tij se “do ta ngrinte sërish flamurin e tyre” në Kosovë.

Një gjuhë e tillë nxitëse mund të konsiderohej thjesht retorikë politike, nëse nuk do të ekzistonte rreziku real që ajo t’u jepte zemër atyre që janë të gatshëm të veprojnë në këtë frymë. Këtë e kemi parë edhe më parë, shumë herë. Banjska, për të cilën përgjegjësia e plotë ende nuk është vendosur, mbetet një kujtesë e fortë e asaj që mund të ndodhë kur fjalët kthehen në veprime.

Shqipëria mbetet thellësisht e bindur se e vetmja rrugë përpara, sado e vështirë të jetë, kalon përmes marrëdhënieve të fqinjësisë së mirë, bashkëpunimit rajonal dhe përpjekjeve të sinqerta për të shëruar plagët e së kaluarës dhe për të ecur drejt pajtimit.

Megjithatë, nuk mund të ketë bashkëpunim të qëndrueshëm rajonal për sa kohë mohohen realitetet, vihet në pikëpyetje legjitimiteti i fqinjëve apo përdoret retorika kërcënuese për përfitime politike.

Ndërtimi i paqes dhe besimit kërkon kohë, shpesh vite, në mos dekada. Ai kërkon vizion, guxim, vendosmëri dhe përkushtim të vazhdueshëm.

Vetë Evropa u ndërtua mbi njohjen, dialogun, respektin e ndërsjellë dhe solidaritetin, jo mbi mohimin, frikësimin apo nostalgjinë për të kaluarën.

Në Ballkanin Perëndimor, e dimë shumë mirë se ku mund të çojnë përçarja, nacionalizmi dhe retorika nxitëse. Nuk mund të lejojmë t’i harrojmë këto mësime, e aq më pak t’i përsërisim gabimet e së kaluarës.

Republika e Kosovës është një realitet i pakthyeshëm. Ajo është një shtet sovran dhe demokratik, pjesë e barabartë e rajonit tonë dhe një vend që po konsolidon vazhdimisht pozicionin e tij në komunitetin evropian dhe ndërkombëtar. Ajo është atdhe i të gjithë qytetarëve të saj, pavarësisht përkatësisë etnike, dhe e ardhmja e saj duhet të jetë një e ardhme paqeje, sigurie, gjithëpërfshirjeje dhe integrimi evropian.

Shqipëria ka qëndruar pranë Kosovës dhe do të vijojë ta mbështesë atë në çdo mënyrë të mundshme.

Ne e shohim këtë jo vetëm si një angazhim të rrënjosur në lidhjet tona të ngushta, por edhe si një investim strategjik në të ardhmen tonë të përbashkët **evropiane**, si dhe në paqen, sigurinë dhe mirëqenien e të gjithë rajonit.

A Serbian minister, while campaigning, promised his audience that “he would once again raise their flag” in Kosovo.

Such inflammatory language might be brushed aside as political posturing were it not for the very real danger of emboldening those prepared to act on it. We have seen this before, too many times. #Banjska, where full accountability remains outstanding, stands as a stark reminder of what can happen when words become actions.

#Albania remains firmly convinced that the only path forward, however difficult, lies in good neighbourly relations, regional cooperation, and genuine efforts to heal the wounds of the past and advance towards reconciliation.

But there can be no sustainable regional cooperation while realities are denied, the legitimacy of neighbours is questioned, or threatening rhetoric is used for political gain.

Building peace and trust takes time, often years, if not decades. It requires vision, courage, determination, and sustained commitment.

#Europe itself was built on recognition, dialogue, mutual respect, and solidarity, not on denial, intimidation, or nostalgia for the past.

In the #WesternBalkans, we know all too well where division, nationalism, and inflammatory rhetoric can lead. We cannot afford to forget those lessons, let alone repeat them.

The Republic of #Kosova is an irreversible reality. It is a sovereign, democratic state, an equal part of our region, and a country steadily consolidating its place in the European and international community. It is home to all its citizens, regardless of ethnicity, and its future must be one of peace, security, inclusion, and European integration.

Albania has stood by #Kosova and will continue to support it in every possible way.

We see this not only as a commitment rooted in our close bonds, but also as a strategic investment in our shared #European future and in the peace, security, and prosperity of the entire region.

— Ferit Hoxha🇦🇱 (@HoxhaFer) October 11, 2026