Kosova po shqyrton mundësinë për të përdorur gazin e lëngshëm nga Shtetet e Bashkuara në të ardhmen përmes bashkëpunimit me Shqipërinë në termocentralin e Vlorës.

Kështu deklaroi kryeministri në detyrë Albin Kurti, ndërsa prej kohësh i kërkohet të pranojnë atë projekt.

“Po shqyrtojmë mundësinë për të përdorur gazin e lëngëzuar nga Shtetet e Bashkuara të Amerikës përmes bashkëpunimit me Shqipërinë në termocentralin e Vlorës. Përtej rritjes së prodhimit vendor, ky projekt ka domethënie të veçantë edhe për raportin tonë me mërgatën.”

Qeveria në detyrë e Kosovës është përballur me thirrje të vazhdueshme, nga Ambasada amerikane në Prishtinë, odat ekonomike në vend si dhe nga opozita për t’u përfshirë në rrjetin e furnizimit me gaz të lëngshëm natyror amerikan.

Më herët Oda Ekonomike e Kosovësu bëri thirrje institucioneve të Kosovës që të përfshihen në projektet rajonale të gazit të lëngshëm duke argumentuar se refuzimi mund të ketë ndikim negativ në partneritetin me SHBA-në dhe pozicionimin e vendit në zhvillimet energjetike rajonale.     

/rtsh.al/