Për të dytën ditë radhazi, ekipet e zjarrëfikësve po vijojnë të luftojnë kundër zjarreve që kanë përfshirë krahinat e Atticas, Corinthit dhe  Viotias ndërsa erërat e forta dhe temperaturat e skajshme vijojnë të përkeqësojnë akoma më shumë situatën. 

Zjarri më i madh ka rënë në Dervenohoria, një komunë në Viotia, rreth 45 kilometra në veriperëndim të Athinës. Vatrat e zjarrit në resortin e Saronidas në lindje të Atikës dhe ai në rrethiat e Lutrakit në Korinth janë ende active pavarësisht përpjekjeve për ti vënë nën kotnroll. 
Transmetuesi shtetëror ERT bëri të ditur se tre vullentarë të angazhuar në adresimin e situatës në Saronida po trajtohen për lëndime të marra në sy. 

Zëdhëhënësi i shërbimit zjarrëfikës Yiannis Artopios bëri të ditur mëngjesin e kësaj të marte se në Saronida dhe Lutraniki ishin dëmtuar shtëpi dhe se një vlerësim i saktë i dëmeve do të ndërmerrej pasi flakët të viheshin nën kontroll. 

Observatori Kombëtar a Athinës ndërkohë ka aktivizuar një alarm të nivelit katër, më i larti,  për rrezikshmëri për t’u prekur nga zjarret për krahinat lindore të vendit, përfshi edhe kryeqytetin Athinë. 

/ rtsh /