“Jam Mysliman” promovohet në Vlorë, libri i Ben Blushit ngre pyetje mbi identitetin, fenë dhe shoqërinë shqiptare

Letërsi | 4 muaj më parë

Në një takim që mblodhi të dashamirës të letërsisë, në Vlorë u promovua libri i shkrimtarit Ben Blushi, “Jam Mysliman”.

Romani vjen si një rrëfim ironik i një shkrimtari që përballet me ndryshimet në shoqërinë shqiptare dhe në jetën e tij personale, duke ngritur pyetje mbi identitetin, fenë dhe përkatësinë në realitetin e sotëm.

Takimi u zhvillua në formën e një bashkëbisedimi të hapur me autorin, ku të pranishmit diskutuan mbi mesazhet e librit dhe temat që ai trajton.

“Jam Mysliman” është libri i dymbëdhjetë i Ben Blushit, duke iu shtuar një serie botimesh të suksesshme si Të jetosh në ishull, Otello, Arapi i Vlorës, Kandidati dhe Komploti. Libri tashmë është pjesë e tregut botues shqiptar dhe po ngjall interes te lexuesit për tematikat që trajton.

/rtsh.al/

Ben Blushi

vlora

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.