Princi dhe Princesha e Uellsit janë “thellësisht të shqetësuar” nga raundi i fundit i zbulimeve rreth Jeffrey Epstein. Ka qenë kjo deklarata e bërë nga një zëdhënës i Pallatit Kensington, i cili shtoi se Princi William dhe Princesha Catherine ishin “të përqendruar te viktimat” në dritën e informacionit të ri të përfshirë në dokumentet që lidhen me abuzuesin e ndjerë seksual të publikuar në SHBA.

Andrew Mountbatten-Windsor është ndër personat që po hetohet për lidhjet e kaluara me Epstein.

“Mund të konfirmoj se Princi dhe Princesha kanë qenë thellësisht të shqetësuar nga zbulimet e vazhdueshme. Mendimet e tyre mbeten të përqendruara te viktimat”, tha zëdhënësi i Pallatit Kensington.

Javën e kaluar Andrew Mountbatten-Windsor u largua nga shtëpia e tij në Windsor përpara afatit, në dritën e informacioneve të reja rreth marrëdhënies së tij me Epstein.

Pallati i Buckinghamit kishte thënë se ai do të largohej nga Royal Lodge në fillim të vitit 2026, por largimi i tij duket se është përshpejtuar, me ish-princin që tani jeton në pronën private Sandringham të Mbretit Charles.

Mountbatten-Windsor kishte një miqësi të gjatë me Epstein dhe mbajti kontakt me financierin amerikan pas dënimit të tij për një vepër penale seksuale me fëmijë në vitin 2008.

Ai më parë ka kërkuar falje për lidhjet e tij të kaluara me Epstein, por ka mohuar me forcë çdo shkelje.

Zbulimet e vazhdueshme në SHBA kanë rritur presionin mbi Mountbatten-Windsor, i cili është përballur me thirrje për të dhënë dëshmi në një hetim amerikan.

/rtsh.al/