Një 49-vjeçar ka mbetur i plagosur me sëpatë mesditën e sotme (20 gusht) në Delvinë.

Sipas informacioneve të para, 49-vjeçari është transportuar në spitalin e Sarandës për të marrë ndihmë mjekësore dhe ndodhet jashtë rrezikut për jetën.

Policia ka identifikuar dhe ka shoqëruar personin e dyshuar për ngjarjen, ndërsa grupi hetimor po punon për zbardhjen e plotë të rrethanave dhe përcaktimin e dinamikës së konfliktit. Paraprakisht dyshohet se konflikti ka nisur për motive banale.

Grupi hetimor po punon për të zbardhur dhe dokumentuar përgjegjësitë dhe motivin e ngjarjes.

NJOFTIMI I POLICISË
Delvinë/Informacion paraprak

Rreth orës 11:10, gjatë një konflikti në rrugë, për motive të dobëta, shtetasi L. T., 46 vjeç, banues në fshatin Rusan, Delvinë, dyshohet se ka goditur me mjet të fortë në fytyrë shtetasin Xh. H., 49 vjeç, i cili ndodhet në spital, jashtë rrezikut për jetën.

46-vjeçari është shoqëruar në Komisariat.

Grupi hetimor po kryen veprimet për sqarimin e plotë të rrethanave të ngjarjes.

/rtsh.al/