Rinisja e mësimit në Greqi, 14 mijë nxënës dhe mësues rezultojnë të infektuar

Greqi | 5 vite më parë

14 mijë nxënës dhe mësues rezultuan të infektuar me koronavirus, një ditë përpara rinisjes së procesit mësimor në Greqi, pas festave të fundvitit.

Autoritetet në Greqi kishin vendosur që me hapjen e shkollave, nxënësit dhe mësuesit të kryenin teste në shtëpi dhe të dhënat ishin me të vërtetë të frikshme. Problemi kryesor ishte që këta persona nuk e dinin që ishin të infektuar dhe qarkullonin lirisht në shoqëri.

Megjithatë, Ministria e Arsimit konfirmon se mësimi do të vijojë pasi sipas saj nxënësit janë më të mbrojtur brenda ambienteve të shkollave sesa jashtë.

E gjithë administrata arsimore, përfshirë nxënësit, do t’i nënshtrohet një testi të dytë të ri pasditen e sotme dhe pritet që numri i të infektuarve të jetë më i lartë.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.