Autoritetet vendore në Larisa kanë vendosur që një rrugë në këtë qytet të mbajë emrin e Klaudia Alexandra Lata, 20 vjeçares shqiptare që humbi jetën në aksidentin hekurudhor në Tempi.

Pothuajse një vit më pas nga aksidenti kanë nisur procedurat për të riemëruar një rrugë në Larisa,  si nderim për vajzën 20-vjeçare që “humbi” jetën në aksidentin e trenit në Tempi, më 27 shkurt 2023.

Propozimi për riemërimin e rrugës “Solona” në lagjen Nea Smyrni në Larisa në “Alexandra Lata” është sjellë në Këshillin Bashkiak nga Komuniteti i 3-të i Bashkisë së Larisës.

Sipas larissanet.gr, propozimi për riemërtimin e rrugës u vendos unanimisht në mbledhjen e Komunitetit të 3-të dhe së fundi Komisioni i Emërtimeve dhe Emërtimeve të rretheve, rrugëve dhe shesheve.

Rruga do të jetë në zonën Nea Smirni, afër kishës së Shën Dhimitrit, ku u rrit Klaudia. Vajza ishte studente e shkëlqyer e Mjekësisë në universitetin Aristotelis të Selanikut.

Mësuesit e Klaudias e kujtojnë si një nga nxënëset më të veçanta të shkollës, ekselente në të gjitha vitet. Klaudia humbi jetën pas përplasjes së së trenave në Tempi, natën e 28 shkurtit 2023, duke u kthyer nga karnavali i Patrës në Selanik.

Prindërit e Klaudias në një prononcim për median kujtojnë se si i kërkuan të ndalojë pak ditë në Larisa për t’u çmallur, pasi nuk do të kishte leksione, por Klaudia refuzoi sepse donte të studionte. Klaudia Lata është një nga 4 viktimat shqiptarë dhe ndër rreth 60 të rinjtë që humbën jetën në aksidentin e frikshëm, për të cilin akoma nuk ka asnjë të dënuar nga drejtësia greke.

Nxënësja fatkeqe 21 vjeçare ishte ndër viktimat e aksidentit të ndodhur me trenin në Tempi pak para të martës 01 mars 2023. Klaudia ishte studente e shkëlqyer në shkollën tonë dhe studente e Fakultetit të Mjekësisë të AUTH-së. 

/rtsh.al/