Shpërndante drogë në Fier, arrestohet 26-vjeçari, i sekuestrohet dhe një sasi kokaine

Aktualitet | 9 muaj më parë

Policia e Fierit ka arrestuar një të ri për shpërndarje droge, teksa ka sekuestruar dhe një sasi kokaine.

Specialistët për Hetimin e Narkotikëve, në bashkëpunim me shërbimet e Forcës së Posaçme Operacionale të DVP Fier, kapën në flagrancë dhe arrestuan shtetasin Y. E., 26 vjeç, banues në Fier.

Gjatë kontrollit fizik dhe të automjetit që shtetasi Y. E. drejtonte, shërbimet e Policisë gjetën një sasi prej 81 gramësh lëndë të dyshuar narkotike kokainë, të cilën ky shtetas e posedonte me qëllim shitjen.

Shtetasi Y. E. ka tentuar t’u ikë punonjësve të Policisë, por është neutralizuar dhe më pas vënë në pranga.

Në cilësinë e provës materiale u sekuestruan lënda narkotike, 1 automjet dhe 3 celularë. Materialet procedurale iu referuan Prokurorisë së Fierit, për veprime të mëtejshme.

Fier

kokaine

policia

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.