SPAK përfundon hetimet për dosjen “Bankers” dhe ngre akuza për shpërdorim detyre, vjedhje e pastrim parash

Aktualitet | 7 muaj më parë

Struktura e Posaçme Kundër Korrupsionit dhe Krimit të Organizuar (SPAK) ka përfunduar hetimet në lidhje me dosjen e kompanisë “Bankers Petroleum”, duke komunikuar akuzat ndaj ish-administratorit Leonidha Çobo, Ritvan Zotos, Elvira Plakut, si dhe tre ish-punonjësve të Ministrisë së Financave.

Sipas njoftimit, bëhet e ditur se ndaj tyre rëndojnë akuzat për shpërdorim detyre, vjedhje për shkak të shpërdorimit të detyrës dhe pastrim parash.

Hetimet kanë zbuluar se personat e përfshirë blinin toka dhe më pas i jepnin me qira kompanisë “Bankers” me çmime të larta, duke përfituar në mënyrë të paligjshme.

Çështja ishte më parë pushuar nga Prokuroria e Fierit, por më pas u rihap nga SPAK, i cili ka vijuar hetimet për aferën.

/rtsh.al/

Bankers Petroleum

SPAK

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.